Shefja e Politikës së Jashtme të Bashkimit Evropian, Kaja Kallas, ka reaguar pas sulmit të fundit rus ndaj Ukrainës, ku u përdor një raketë hipersonike e tipit Oreshnik.
Ajo deklaroi se veprimet e Moskës tregojnë mungesë vullneti për paqe dhe përbëjnë një përshkallëzim të rrezikshëm të konfliktit.
“Putin nuk dëshiron paqe, përgjigjja e Rusisë ndaj diplomacisë është më shumë raketa dhe shkatërrim. Ky model vdekjeprurës i sulmeve të mëdha ruse do të përsëritet derisa ne ta ndihmojmë Ukrainën ta thyejë atë. Përdorimi i raportuar i një rakete Oreshnik nga Rusia është një përshkallëzim i qartë kundër Ukrainës dhe është menduar si një paralajmërim për Evropën dhe SHBA-në. Vendet e BE-së duhet të gërmojnë më thellë në rezervat e tyre të mbrojtjes ajrore dhe të veprojnë tani. Ne gjithashtu duhet ta rrisim më tej koston e kësaj lufte për Moskën, duke përfshirë edhe sanksione më të ashpra.”, theksoi ajo.
