Komisioni Qendror i Zgjedhjeve (KQZ) ka përmbyllur procesin e numërimit të votave për zgjedhjet e 28 dhjetorit, duke shpallur Lëvizjen Vetëvendosje (LVV) si forcën fituese. Sipas rezultateve të tanishme, LVV ka marrë 51,11% të votave, duke siguruar 57 ulëse në Kuvendin e Kosovës.
Partia Demokratike e Kosovës (PDK) ka kërkuar anulimin e mbi 20 mijë votave të postës, duke i cilësuar si të pranuara pas afatit. Nga ana tjetër, PDK ka fituar 20,19% të votave dhe ka siguruar 22 mandate, ndërsa Lidhja Demokratike e Kosovës (LDK) ka marrë 13,23% të votave, duke siguruar 15 ulëse në parlament. Aleanca për Ardhmërinë e Kosovës (AAK) ka siguruar 5,50% të votave dhe 6 mandate.
Përsa i përket komunitetit serb, janë ndarë 10 mandate të rezervuara, me Listën Serbe që ka fituar 9 ulëse dhe Nenad Rashiqi një tjetër ulëse.
