Një pjesë e malit është shkëputur në zonën e Matogjinit, Bashkia Selenicë, duke bllokuar aksesin në lagjen Bashaj.
Ministria e Mbrojtjes ka njoftuar se rruga është e bllokuar për lëvizjen e automjeteve, por banorët janë jashtë rrezikut.
Autoritetet vendore dhe Policia e Shtetit janë në kontakt të vazhdueshëm me komunitetin dhe po monitorojnë situatën.
Agjencia Kombëtare e Mbrojtjes Civile (AKMC), në bashkëpunim me Repartin e Xhenios, po ndërmerr veprime për normalizimin e kushteve dhe rikthimin e qarkullimit në zonën e prekur.
