Rruga Elbasan–Gjinar është bllokuar për disa kohë paraditen e sotme, pas rrëshqitjeve të dherave që u shkaktuan nga reshjet e shiut të pasdites.
Ngjarja ka ndodhur rreth orës 10:00, në afërsi të fshatit Lleshan, duke ndërprerë përkohësisht qarkullimin e automjeteve.
Ky aks është shumë i frekuentuar gjatë fundjavës për shkak të vizitorëve që shkojnë në zonat malore për turizëm dimëror.
Pas bllokimit të rrugës, autoritetet kanë ndërmarrë masa për hapjen e një korsi, për të mundësuar kalimin e mjeteve dhe për të rikthyer normalitetin në këtë zonë, që është lidhja kryesore e fshatrave të Shpatit me qytetin e Elbasanit.
Ekipet e Autoritetit Rrugor Shqiptar dhe bashkisë Elbasan janë në terren për pastrimin e inerteve dhe normalizimin e qarkullimit.
