Dinamo po tregon një formë të fortë këtë sezon, dhe shumë meritë ka sulmuesi Dejvi Bregu. Vlonjati po shkëlqen si golashënuesi kryesor i skuadrës, duke u bërë figura më e spikatur e ekipit.
Në 18 javët e para, Bregu është përfshirë 5 herë në formacionin ideal të javës dhe shpesh është vlerësuar si lojtari më i mirë në fushë.
Ky sezon i ka sjellë 7 gola dhe 4 asiste, duke e bërë atë lojtarin më aktiv dhe më vendimtar në Dinamo.
Por ndikimi i tij nuk ndalet te statistikat. Bregu kontribuon edhe në lojën e përgjithshme të ekipit, duke mbuluar shumë kilometra dhe duke luajtur në role të ndryshme sipas nevojës, duke treguar se është një element kyç për ambiciet e Dinamos drejt “Final 4”.
