Kryeministri Edi Rama ka reaguar lidhur me situatën e krijuar nga reshjet intensive ditët e fundit, duke theksuar se impiantet hidrike në Fier kanë funksionuar pa ndërprerje për të menaxhuar prurjet e larta të ujit dhe për të mbrojtur zonat bujqësore.
“Hidrovorët Hoxhara 1 dhe Hoxhara 3, ashtu si të gjithë hidrovorët në të gjithë territorin e Shqipërisë, kanë punuar pa ndërprerje gjatë reshjeve intensive për menaxhimin e prurjeve të larta dhe lehtësimin e situatës në zonat bujqësore”, shkruan Rama në postimin e tij.
