Autoritetet suedeze kanë konfiskuar rreth tre ton kokainë në portin e qytetit Helsingborg, duke shënuar sekuestrimin më të madh të drogës në historinë e vendit.
Droga u gjet në një kontejner të ardhur nga Amerika e Jugut, ndërsa deri më tani nuk është raportuar për arrestime.
Ndërkohë, policia spanjolle realizoi po ashtu një operacion të madh, duke kapur në det të hapur një anije me gati 10 ton kokainë të fshehur në një ngarkesë kripe, e nisur nga Brazili drejt Evropës.
