Akademia e Shkencave e Shqipërisë ka vendosur të hapë platformën online të “Fjalorit të Madh të Gjuhës Shqipe”, duke mundësuar qasje të lirë për publikun.
Platforma, e cila është e aksesueshme përmes domenit ‘fjalori.online’, do të mbledhë mendime, sugjerime dhe plotësime për përmirësimin e Fjalorit gjatë një periudhe nëntëmujore.
Pas përfundimit të këtij periudhe, Redaksia e Fjalorit dhe Koordinatori Teknik do të shqyrtojnë dhe përpunojnë sugjerimet e mbledhura, duke pasqyruar ato brenda një afati tremujor. Ky hap synon përmirësimin dhe përditësimin e një prej burimeve më të rëndësishme të gjuhës shqipe.
