Misioni i OKB-së për Monitorimin e të Drejtave të Njeriut në Ukrainë ka njoftuar se viti 2025 ka qenë më i përgjakshmi për civilët që nga fillimi i luftës, me 2,514 të vrarë dhe 12,142 të plagosur. Kjo shënon një rritje prej 31% e viktimave krahasuar me vitin 2024.
Shumica e viktimave janë regjistruar në territoret e kontrolluara nga Ukraina, për shkak të sulmeve të intensifikuara nga forcat ruse përgjatë vijës së frontit dhe përdorimit të armëve me rreze të gjatë veprimi.
Misioni thekson se pothuajse dy të tretat e vdekjeve ndodhën në zonat e vijës së frontit, ku të moshuarit ishin më të prekura. Po ashtu, përdorimi i dronëve ka bërë disa zona pranë vijës së frontit të pabanuara.
Danielle Bell, kreu i misionit, theksoi se shumë civilë u detyruan të largoheshin nga shtëpitë e tyre për shkak të këtyre sulmeve.
Përveç ndikimit të drejtpërdrejtë në jetën e civilëve, sulmet e përshkallëzuara me armë të rrezeve të gjata kanë shkaktuar dëme të mëdha në infrastrukturën kritike të Ukrainës, duke përfshirë energjinë dhe shërbimet bazë.
