I ftuar në emisionin “5 Pyetjet nga Babaramo”, gjenerali Dedë Prenga foli mbi situatën në Iran, duke paralajmëruar për rrezikun që mund të lindë nëse protestat vazhdojnë në shkallë të lartë.
Ai theksoi se numri i të vrarëve dhe i të arrestuarve është i lartë dhe situata mund të dalë jashtë kontrollit.
“Garda revolucionare në Iran nuk mund ta mbajë nën kontroll këtë protestë. Nëse protestat vazhdojnë në këtë shkallë, situata nuk mund të mbahet më nën kontroll. Raportohet se vrasjet kanë kaluar 3 mijë, ndërsa të arrestuarit janë mbi 1 mijë. Mbi 40 persona janë vrarë edhe nga forcat e sigurisë. Situata është shumë e komplikuar dhe mund të përshpejtohet shumë shpejt. Pikërisht për këtë arsye është kërkuar ulja në tryezë bisedimesh, për të shmangur rrezikun e një lufte civile,” tha gjenerali Dedë Prenga.
