I dërguari i posaçëm i Bashkimit Evropian për dialogun Kosovë-Serbi, Peter Sorensen, ka përfunduar takimin me Kryeministrin në detyrë, Albin Kurti, dhe më pas është takuar edhe me Presidenten Vjosa Osmani.
Kjo është vizita e tij e parë që pas rinovimit të mandatit për dy vite të tjera për dialogun mbi normalizimin e marrëdhënieve ndërmjet Kosovës dhe Serbisë.
Gjatë mandatit të tij të parë, Sorensen zhvilloi vetëm dy takime në nivel kryenegociatorësh, të cilat nuk sollën rezultate konkrete.
