Bologna fitoi 3-2 ndaj Veronës në një përballje të tensionuar, ku veronezët kaluan të parët në avantazh me golin e Orban në minutën e 13.
Por Riccardo Orsolini barazoi shifrat vetëm tetë minuta më vonë, ndërsa Jens Odgaard dhe Santiago Castro vendosën rezultatin në 3-1 për vendasit para fundit të pjesës së parë.
Në minutën e 71, Freuler realizoi një autogol, duke rihapur sfidën për Veronën, por Bologna arriti të ruajë avantazhin deri në fund. Ky sukses e afron skuadrën e Italianos më pranë zonës evropiane, ndërsa Verona mbetet në fund të tabelës.
