Prurjet e shtuara të ujit në lumin Seman dhe shkarkimet nga HEC-i i Banjës kanë shkaktuar gërryerje të kufizuara në argjinaturën e krahut të majtë, të ndikuara nga drejtimi i rrjedhës në këtë segment të lumit.
Autoritetet sqarojnë se nuk është regjistruar asnjë çarje apo dëmtim strukturor.
Problematikat e evidentuara kanë qenë lokale dhe janë trajtuar menjëherë me ndërhyrje për forcimin e zonës.
Aktualisht, situata paraqitet e stabilizuar, ndërsa po përdoret material guror shtesë për të parandaluar përsëritjen e fenomenit.
Ndërkohë, argjinatura është përmirësuar edhe në një shtrirje prej rreth 8 kilometrash, duke u ngritur me rreth 2 metra, për të rikthyer funksionin e saj mbrojtës pas amortizimit ndër vite.
