Një masiv shkëmbor pranë fshatit Krushev ka bllokuar të dy korsitë e rrugës Dragash–Shishtavec, duke pamundësuar qarkullimin e automjeteve.
Ndërmarrja për Mirëmbajtjen e Rrugëve dhe Policia e Kosovës kanë vendosur konë sinjalizimi dhe bëjnë apel për përdorimin e rrugëve alternative, derisa të kryhet pastrimi dhe stabilizimi i masivit shkëmbor.
Rruga është e rëndësishme për banorët lokalë dhe lidh fshatrat Krushev dhe Restelica, si dhe pikën kufitare Krushev–Shishtavec.
