Bashkimi Evropian dhe Shtetet e Bashkuara po shtojnë presionin ndaj Iranit, në një moment tensionesh të larta për shkak të shtypjes së protestave dhe shkeljeve të të drejtave të njeriut.
Brukseli paralajmëron masa më të ashpra ndëshkuese, ndërsa Uashingtoni ka ndërmarrë tashmë hapa konkretë me vendosjen e sanksioneve të reja ndaj zyrtarëve iranianë.
“Ne po shqyrtojmë shtrëngimin e sanksioneve ndaj Iranit. Ato po japin efekt duke dobësuar regjimin dhe duke mbështetur përpjekjet për ndryshim. Populli iranian po lufton me guxim dhe ka mbështetjen tonë të plotë politike,” deklaroi presidentja e Komisionit Evropian, Ursula von der Leyen, duke shtuar se BE-ja po vlerëson edhe futjen e Gardës Revolucionare Islamike në listën e subjekteve të sanksionuara.
