Një shpërthim i fuqishëm tronditi pasditen e sotme rrugën Visschersteeg në qendrën historike të Utrechtit, duke shkaktuar zjarr të madh dhe dëmtime të konsiderueshme në xhama dhe objekte të banesave dhe bizneseve përreth. Dhjetra ekipe të emergjencës u nisën menjëherë në vendngjarje për të shpëtuar banorët dhe për të vënë flakët nën kontroll.
Sipas autoriteteve, të paktën një person ka mbetur i lënduar, ndërsa numri i të plagosurve mund të rritet pasi shpërthimi ka dëmtuar zona të tjera përreth. Policia ka rrethuar vendngjarjen dhe ka evakuuar banorët dhe bizneset në zonën e Mariaplaats dhe Springweg.
Shërbimet e emergjencës njoftuan aktivizimin e protokollit rajonal GRIP 2, duke koordinuar të gjitha njësitë nga një komandë e vetme dhe duke ngritur një qendër të posaçme jashtë vendngjarjes për menaxhimin e situatës. Autoritetet thonë se shkaqet e shpërthimit mbeten ende të paqarta dhe po hetohen.
