Një person ka humbur jetën si pasojë e një aksidenti trafiku që ka ndodhur në rrugën Komoran-Carralevë.
Sipas informatave fillestare, në aksident janë përfshirë dy automjete. Si pasojë, janë lënduar pesë persona, njëri prej të cilëve nuk ka arritur t’u mbijetojë plagëve.
Vdekja është konstatuar nga ekipi mjekësor në Shtëpinë e Shëndetit në Komoran.
Personat e tjerë të lënduar janë dërguar për trajtim mjekësor në QKUK. Me rastin po merret njësiti rajonal i trafikut, i cili ka nisur hetimet për zbardhjen e rrethanave të aksidentit.
