Një vizitë në terren është kthyer në një reagim politik për deputetin e Partisë Demokratike, Klevis Balliu, i cili ka ndarë në rrjetet sociale vlerësimin e tij për gjendjen e zonës së Kombinatit, duke e cilësuar situatën si pasqyrë të problemeve sociale dhe ekonomike që, sipas tij, po përballen prej vitesh nga banorët.
Reagimi i deputetit të PD, Klevis Balliu:
Sot, në takim me qytetarët e Kombinatit një zonë e braktisur prej vitesh dhe e lënë në mjerim të thellë ekonomik.
Ndërsa pushtetarët notojnë në luks dhe pasuri të pamerituar, Kombinati po shkatërrohet nga varfëria ekstreme, papunësia dhe mungesa totale e vëmendjes shtetërore.
Kjo është pasqyra reale e një pushteti që pasurohet mbi kurrizin e qytetarëve dhe lë komunitete të tëra në harresë.
