Kreu i Partisë Demokratike, Sali Berisha, zhvilloi ditën e sotme foltoren në zonën e Kombinatit, Tiranë, ku akuzoi qeverinë e Edi Ramës për korrupsion dhe abuzime të vazhdueshme me pasurinë publike.
Ai kritikoi ashpër lidhjet e qeveritarëve me skandale të njohura, si dosjet e Lubisë Ballukut, projektet e aeroportit të Vlorës dhe Tunelit të Llogarasë, duke i konsideruar këto si prova të pastrimit të parave dhe shpërdorimit të fondesh shtetërore.
“Demokratët, sot më shumë se kurrë, në emër të të vërtetave që besojnë, janë të ftuar dhe të detyruar me një kryengritje paqësore të pandërprerë, të largojnë nga pushteti dhe të përmbushin misionin tonë,” tha Berisha, duke u bërë thirrje qytetarëve të bashkohen në protestën e 24 janarit për të përballur, sipas tij, “regjimin më të urryer pas Enver Hoxhës.”
