Presidenti Bajram Begaj ka postuar në rrjetet sociale nisjen e sesionit të rëndësishëm të Kuvendit të Shqipërisë, duke theksuar se ky është një moment kyç për përmirësimin e shtetit të së drejtës dhe për avancimin e vendit drejt Bashkimit Evropian.
“Kuvendi nis sot një sesion të rëndësishëm pune, me reforma që prekin drejtpërdrejt shtetin e së drejtës, mirëqenien e qytetarëve dhe rrugën tonë drejt Bashkimit Evropian.
Më pak konflikt, më shumë përgjegjësi, dialog dhe rezultate konkrete, kjo është pritshmëria e qytetarëve.
Koha dhe energjia duhet t’i shërbejnë vetëm interesit kombëtar dhe së ardhmes evropiane të Shqipërisë.”
