Këtë të hënë, në Gjykatën e Posaçme, do të mbahet seanca paraprake ndaj kryebashkiakut të Tiranës, Erion Veliaj, bashkëshortes së tij, Ajola Xoxa, dhe të dyshuarve të tjerë të dosjes. Mungesa e Veliajt dhe avokatëve të disa të akuzuarve shkaktoi shtyrjen e seancës së kaluar.
Trupa gjykuese do të vendosë nëse çështja kalon për gjykim, ndërkohë që Veliaj është akuzuar nga SPAK për pastrim parash, korrupsion pasiv dhe shpërdorim detyre.
Ai ka mohuar akuzat dhe ka kërkuar që procesi të konsiderohet i pabazuar në prova.
