I ftuar në emisionin “5 Pyetjet”, juristi Kreshnik Spahiu komentoi çështjen e Belind Ballukut dhe rolin e mazhorancës në lidhje me SPAK-un.
Ai theksoi se pa zgjedhje të parakohshme, pas tre vitesh do të harrohen edhe kostot politike dhe financiare të rastit Balluku. Gjithashtu, Spahiu ngriti pikëpyetje mbi mungesën e reagimeve nga ambasadat që mbështesin SPAK-un, përfshirë SHBA dhe Bashkimin Europian.
“Nëse nuk do të ketë zgjedhje të parakohshme, pas tre vitesh do të harrohen edhe kostot e Ballukut. Kjo mbetet për t’u parë. A do të ketë një reagim nga ambasadat që mbështesin SPAK-un? Nuk kemi parë reagim nga SHBA-ja, edhe pse ka pasur çështje konkrete në Shqipëri. As SHBA-ja, as BE-ja nuk janë prononcuar lidhur me situatën në Shqipëri, dhe kjo do të shkojë që mazhoranca të jetë kundër SPAK-ut.”
