Reshjet e borës janë rikthyer me intensitet në Qarkun e Dibrës, duke shkaktuar vështirësi në qarkullimin rrugor në zona të ndryshme malore mbi 600 metra mbi nivelin e detit.
Bora ka nisur të bjerë gjatë orëve të para të mëngjesit, ndërsa në zonat e thella malore, si në Lurë, Kala e Dodës, Selishtë dhe Zall-Dardhë, raportohet për një trashësi bore deri në 15 centimetra.
Si pasojë e reshjeve të borës, janë shfaqur probleme në rrugët rurale dhe më konkretisht në Rrugën e Arbrit, ku vështirësi janë raportuar në segmentin nga Qafa e Buallit deri në Peshkopi.
Gjithashtu, rrugët në zonën e Fushë-Bulqizës dhe në pjesë të tjera të Qarkut të Dibrës janë të mbuluara nga bore dhe akull, duke bërë që situata të jetë mjaft problematike, veçanërisht në zonat e pishave në Fushë-Bulqizë.
