Kryetari i Bashkisë së Tiranës, Erion Veliaj, ka shprehur sot nderimin e tij për katër qytetarët që humbën jetën gjatë protestës së 21 Janarit 2011, një ngjarje që shënoi një nga momentet më tragjike të historisë së vendit.
Në një postim të tij në rrjetet sociale, Veliaj e përkujtoi këtë datë si një “ditë të errët” për kryeqytetin, ndërsa theksoi se plagët e dhimbjes të familjeve të viktimave janë ende të hapura.
Veliaj shtoi se dhuna e ushtruar ndaj protestuesve kërkon ende përgjigje dhe drejtësi. Ai e mbylli mesazhin duke thënë: “Gjaku i të pafajshmëve vazhdon të kërkojë drejtësi dhe ne nuk do t’i harrojmë kurrë.”
