Pep Guardiola e përshkroi Arsenalin si “ekipin më të mirë në botë” për momentin , në një konferencë për shtyp përpara ndeshjes së nesërme në Premier League kundër Wolves. Trajneri i Manchester City- t vlerësoi “Topçinjtë”, por gjithashtu theksoi se skuadra e tij vazhdon të shpresojë se mund ta përmbysë situatën në renditje, ku londinezët kanë siguruar një epërsi prej shtatë pikësh. Trajneri katalanas theksoi se, megjithëse City është rikthyer nga humbje të ngjashme në të kaluarën, këtë vit detyra është më e vështirë, për shkak të cilësisë së Arsenalit. “Shpresoj se mund t’u afrohemi atyre, të përmirësohemi dhe të kemi një shans për t’i tejkaluar”, tha Guardiola.
Kur një gazetar theksoi se Manchester City vjen pas dy humbjeve radhazi, në ligë kundër bashkatdhetarit të tij, United, dhe në Ligën e Kampionëve kundër Bodo Glimt, dhe është thirrur të rikuperohet, trajneri spanjoll u përgjigj ashpër: “Ndoshta ishe me pushime, por një javë më parë ishim në Newcastle dhe fituam 2-0 (në gjysmëfinalen e Kupës së Ligës), kundër një skuadre shumë të fortë që luan në Ligën e Kampionëve”, tha Guardiola dhe përfundoi: “Kam një skuadër të mrekullueshme, një grup lojtarësh të mrekullueshëm, jemi të bashkuar. Jemi një skuadër fantastike, nuk kam asnjë dyshim për këtë.”
