Një situatë mjaft e tensionuar ndodhi në komisariatin nr 1 në Tiranë ku ka një numër protestuesish të shoqëruar pas protestës së opozitës.
Familjarë të të shoqëruarve janë konfrontuar me policinë duke kërkuar informacion mbi personat që janë shoqëruar.
Në krah të familjarëve kanë qenë dhe deputetët e PD-së, mes tyre Tomorr Alizoti, Besar Xhaferri, Flamur Noka dhe avokatja Eda Grimçi duke rritur tensionet.
Kryetari i grupit të PD-së, Gazment Bardhi ka reaguar për shoqërimin e djalit 10-vjeç.
“Regjimet kriminale nuk njohin limite. Frika e Edi Ramës nxjerr nga binarët Policinë e Kryekriminelit Ilir Proda.
Është jashtë çdo imagjinate arrestimi i një të mituri 10 vjeçar! Lironi urgjent Romeon! Tani” shkruan ai.
