Aktivistja shqiptaro-amerikane Evi Kokalari ka reaguar ashpër ndaj liderit të Partisë Demokratike, Sali Berisha, pas protestës kombëtare të zhvilluar një ditë më parë, ku u përdorën mjete të rrezikshme si molotovët.
Në një postim në rrjetet sociale, Kokalari e ka cilësuar veprimin e Berishës si të turpshëm dhe të papërgjegjshëm, duke theksuar se ky akt nuk ka lidhje me patriotizmin dhe është një shembull i dhunës që duhet të dënohet.
“E po të kesh qenë Kryeministër dhe President i vendit Sali Berisha dhe të valëvitësh flamurin shqiptar, ndërkohë që dërgon turmat të djegin zyrën e Kryeministrisë — një aset i popullit — duhet të jesh realisht i trashë për Zotin. Kjo pamje është e turpshme. Të paktën hiqe flamurin nga duar, sepse patriot nuk je. Nëse do realisht të ‘rrëzosh’ qeverinë Rama, shko digji shtëpinë e Ramës apo pronat e tij personale, jo të ushqesh dhunë te populli, ndërkohë që i vjedh natë e ditë dhe pastaj i kthen në huligan. Kjo është përtej alarmantes! Je i përbuzshëm dhe tejet turpërues. Dhe kjo dhunë është dhunë katundarësh, sepse civilizim nuk sheh askund në këtë foto,” shkruan Kokalari.
