Kryeministri Edi Rama ka ndarë në podkastin e tij “Flasim” një ngjarje të rëndësishme për Shqipërinë, duke njoftuar ftesën personale nga Presidenti i Shteteve të Bashkuara, Donald Trump.
Rama theksoi rëndësinë e kësaj ftese për vendin, e cila lidhet me ftesën për të qenë anëtar themelues i Bordit të Paqes, një iniciativë ndërkombëtare e krijuar me iniciativën e Trump. Për të, ky është një zhvillim historik që e vlerëson rolin e Shqipërisë në diplomacinë globale dhe përpjekjet për të kontribuar në paqen dhe sigurinë ndërkombëtare.
“Ftesa ishte një zhvillim i rëndësishëm për Shqipërinë, një nder që e pranuam me një ‘po’ të fortë dhe që e ratifikuam me mbështetje të gjerë në Kuvendin e Shqipërisë. Ky angazhim tregon qartë se Shqipëria ka ditur të kontribuojë në çështjet e paqes dhe ka një rol të rëndësishëm në diplomacinë ndërkombëtare. Pavarësisht debatit dhe polemikave, ftesa nga Trump është një hap i madh dhe një mundësi e shkëlqyer për të përfaqësuar Shqipërinë në nivelet më të larta ndërkombëtare.”
