Federata Shqiptare e Futbollit ka njoftuar ndryshimin e datës dhe orarit për ndeshjen Skënderbeu–Kastrioti, e vlefshme për javën e 20-të të Kategorisë së Parë.
Sipas Departamentit të Komunikimit në FSHF, takimi që ishte planifikuar të zhvillohej më 31 janar 2026, në orën 16:30, do të luhet një ditë më herët, të premten më 30 janar 2026, në orën 13:30.
Ndeshja do të zhvillohet në stadiumin “Skënderbeu” në Korçë. Vendimi është marrë për shkak të kushteve atmosferike të pafavorshme që parashikohen për ditën e shtunë në qytetin juglindor.
FSHF u bën thirrje tifozëve dhe palëve të interesuara të marrin parasysh ndryshimin e orarit.
