Deputetit demokrat Luçiano Boçi, në në Konferencën e Kryetarëve, theksoi se ndryshimet e miratuara nga qeveria në Kodin Penal në seancën e kaluar parlamentare sjellin pasoja të thella për shoqërinë.
Fjala e Boçit
Sillni në seancë nga 20 projektligje njëherësh, pa asnjë vëmendje, pa diskutim dhe pa përfshirje reale të opozitës. Kjo mënyrë funksionimi e zhvesh Kuvendin nga roli i tij kushtetues.
Është e papranueshme dhe skandaloze që ndryshime të rëndësishme në Kodin Penal, me pasoja të thella për shoqërinë, të kalohen në orën 3 të mëngjesit, pa konsultim, pa transparencë.
Shtoni numtin e seancave parlamentare. Ne si opozite ju themi qe jemi gati te punojme. Por ju nuk doni debat. Strategjia juaj është e qartë. Të kalojnë në tymnajë ligje të rëndësishme, ligje që prekin drejtpërdrejt jetën sociale, ekonomike dhe publike të qytetarëve.
Kjo nuk është rastësi, por një strategji e qëllimshme për të shmangur llogaridhënien, për të anashkaluar opozitën dhe për të minuar demokracinë parlamentare.
