Java e 20-të e Kategorisë së Parë do të zhvillohet këtë fundjavë, e ndarë në tri ditë. Të premten, Skënderbeu, lider i kampionatit, do të presë Kastriotin në orën 13:30.
Të shtunën janë planifikuar katër ndeshje të tjera, ku Laçi, i dyti në klasifikim, do të përballet me AF Luftëtarin, Kukësi me Besën, Pogradeci do të luajë ndaj Korabit dhe Iliria ndaj Apolonisë.
Java do të mbyllet të dielën me Lushnjën që do të presë Burrelin në stadiumin “Roza Haxhiu”.
