Gazmend Golemi, një prej koreografëve më të njohur dhe të dashur në Shqipëri, ka ndërruar jetë në moshën 63-vjeçare.
Lajmi i hidhur është bërë i ditur nga djali i tij, i cili shpërndau njoftimin përmes një postimi në rrjetet sociale.
Sipas njoftimit, Golemi ka ndërruar jetë mëngjesin e sotëm në spitalin e Firences, Itali, pas një sëmundjeje të rëndë që e kishte munduar kohët e fundit.
Golemi, i cili ishte i njohur për angazhimin e tij të jashtëzakonshëm në artin e vallëzimit, ka filluar karrierën e tij si koreograf që në moshën 6-vjeçare.
Gjatë gjithë jetës së tij, ai ka drejtuar dhe koreografuar dhjetëra grupe valltarësh, të cilët kanë fituar çmime kombëtare dhe ndërkombëtare, duke lënë një trashëgimi të çmuar në kulturën shqiptare.
