Arabia Saudite duket se nuk do të kundërshtojë një ndërhyrje të mundshme ushtarake të Shteteve të Bashkuara ndaj Iranit, sipas informacioneve të siguruara gjatë një takimi privat në Uashington.
Ministri saudit i Mbrojtjes, princi Khalid bin Salman, ka dhënë sinjale se Riadi sheh një veprim amerikan si të domosdoshëm për të frenuar ndikimin në rritje të Teheranit në Lindjen e Mesme.
Princi Khalid ka theksuar se nëse SHBA nuk vepron, regjimi iranian mund të dalë më i fuqishëm nga situata aktuale.
Analistët e cilësojnë këtë qëndrim si një “dualizëm diplomatik”: publikisht Arabia Saudite bën thirrje për vetëpërmbajtje dhe zgjidhje diplomatike, por pas kuintave tregon mbështetje për një ndërhyrje ushtarake.
Sipas burimeve, një sulm amerikan do të synonte objekte bërthamore, balistike dhe ushtarake, duke përfshirë kapacitetet e Gardës Revolucionare dhe udhëheqjen iraniane. Zyrtarët amerikanë thonë se sulmet mund të fillojnë që të dielën, nëse presidenti autorizon ndërhyrjen. Situata mbetet e tensionuar, me pasoja të mundshme për sigurinë dhe stabilitetin e gjithë rajonit.
