Kristjan Asllani ka pasur një debutim të vështirë te Besiktas, pasi mesfushori i Kombëtares Shqiptare u ndëshkua me karton të kuq vetëm pesë minuta pasi u aktivizua në minutën e 76-të gjatë ndeshjes ndaj Konyaspor.
Pas një ndërhyrjeje të rrezikshme ndaj një kundërshtari, arbitri e nxori Asllanin nga loja pasi shqyrtoi pamjet në sistemin VAR.
Megjithatë, edhe pse u ndëshkua me karton të kuq, Asllani la gjurmën e tij në fitoren 2-1 të Besiktas, duke asistuar për golin e dytë të skuadrës. Topi i dërguar nga ai u përgatit në mënyrë perfekte për Kokcu, i cili e shfrytëzoi mundësinë për të shënuar në minutën e 77′.
