Ernest Muçi është bërë një titullar i padiskutueshëm te Trabzonspori dhe trajneri Fatih Teke e konsideron një nga lojtarët e tij më të rëndësishëm.
Megjithatë, shqetësim për klubin turk paraqet fakti që Muçi ndodhet me tre kartonë të verdhë.
Për javën e 22-të, ai do të luajë në transfertë ndaj Samsunsporit dhe duhet të tregojë kujdes për të mos marrë kartonin që do ta penalizonte në sfidën e rëndësishme kundër Fenerbahçes.
Muçi është i huazuar nga Beşiktaşi dhe Trabzonspori po planifikon që ta blejë përfundimisht, me një çmim që raportohet të jetë rreth 8.5 milionë euro, operacion që pritet të finalizohet në fund të sezonit.
