Këngëtari Redon Makashi ka ndarë disa ndjesi prekëse lidhur me të atin, aktorin e njohur Fitim Makashi, i cili u nda nga jeta të shtunën në moshën 82-vjeçare.
Në një komunikim televiziv, Makashi u shpreh se humbja e të atit i duket ende e pavërtetë, pasi ndodhi papritur.
Makashi tregoi edhe disa kujtime të vyera me aktorin e ndjerë, që i përket një brezi të rrallë artistësh të kinematografisë shqiptare.
“Na ra kështu, si një…. Dhe në kohën që po flasim bashkë më duket si një ëndërr. Miqtë e kanë respektuar shumë dhe kjo ma heq pak atë dhimbjen. Këta kanë qenë një brez që nuk kthehen më. Sinqeriteti i tyre dhe shoqëria e tyre… Ai në shtëpi fliste edhe për miqtë e tij, por edhe për miqtë e tij që kishin shkuar para tij. Sado sado është një dhimbje që vetëm brenda e ndijën njeriu”,-tha Redon Makashi.
