Kreu Lëvizjes “Shqipëria Bëhet”, Adriatik Lapaj ka zhvilluar edhe këtë të martë protestën para kryeministrisë.
Lapaj komentoi edhe vendimin e Gjykatës Kushtetuese për të shtyrë çështjen e zëvendëskryeministres Belinda Ballukut, për të cilën tha se një zvarritje e tillë është e paarysetuar.
Me tej akuzoi kryeministrin Edi Rama se ka vendosur nën kërcënim total Gjykatën Kushtetuese, gjyqësorin por edhe shoqërinë.
“Nuk duhet një kohë kaq e gjatë. Vendimi i zvarritjes nuk është e arsyetuar dhe kjo stepje nuk është e arsyetuar. Nuk arsyetohet…Edi Rama e ka vendosur nën kërcënim total Gjykatën Kushtetuese, Gjyqësorin dhe shoqërinë në këtë vend. Shoqëri që vuan në përditshmëri por nuk ndihet. Ky arrin intimidon gjyqtarë prokurorë në nivele të larta, a e imagjinonin se sa i pambrojtur ndjehet qytetari”, u shpreh ai.
