Procesi për zgjedhjen e drejtorit të ri të Gardës së Republikës së Shqipërisë ka përfunduar pa shpalljen e një fituesi.
Kandidatët që morën pjesë në konkurrim janë njoftuar përmes një emaili nga komisioni përzgjedhës, i cili konfirmon se procedura e vlerësimit dhe verifikimit të kandidaturave ka përfunduar, por pa arritur në një rezultat përfundimtar.
Në mesazhin e dërguar, komisioni ka sqaruar se gara u zhvillua në përputhje me kuadrin ligjor, duke respektuar parimet e transparencës, paanshmërisë dhe meritokracisë, por përfundimi i procedurës nuk ka çuar në shpalljen e fituesit.
Ky proces konkurrimi u hap pas dorëheqjes së Ermal Onuzit nga pozita e Drejtorit të Gardës, vetëm 9 muaj pas emërimit të tij, ndërkohë që arsyet e dorëheqjes mbeten të panjohura.
