Ish-Presidenti i vendit Ilir Meta, përmes një postimi në facebook ka reaguir lidhur me mbështetjen që i dha (IFIMES) Instituti Ndërkombëtar për Studime të Lindjes së Mesme dhe Ballkanit i cili përmes një raporti e ka cilësuar arrestimin e tij shkelje të Konventës Europiane të të Drejtave të Njeriut.
Postimi i Metës
Falenderoj #IFIMES për transparencën e thelluar dhe shumë objektive, që i bën këtij rasti kuptimplotë dhe që paraqet pa asnjë ekuivok degradimin total të shtetit të së drejtës dhe përdorimin e drejtësisë si zgjatim i Narkopushtetit për persekutimin dhe izolimin e kundërshtarëve politikë.
Këto janë dhe mbeten veçse përpjekje të dështuara të atyre që i bëjnë, por dhe që “i mbyllin sytë”.
Demokracia absolutisht do të fitojë sepse jemi të vendosur me çdo çmim për triumfin e saj!
