Një protestë e banorëve të Rrjollit, në Velipojë, kundër ndërtimit të një resorti luksoz ka shpërthyer në përplasje me policinë, ku një prej protestuesve ka humbur ndjenjat dhe është shtrirë përtokë.
Gjatë protestës, që kishte si qëllim të kundërshtonte ndërtimin e resortit që banorët e konsiderojnë si kërcënim për mjedisin dhe jetesën e tyre, situata u tensionua kur protestuesit përplasen me forcat e rendit.
Disa nga banorët kërkuan ndihmë, duke thirrur “Ujë, ujë… ujë”, ndërsa disa të tjerë vazhduan përplasjen me policinë. Protestuesit kërkojnë që ky projekt të ndalohet, duke theksuar rrezikun që ai paraqet për natyrën dhe për jetesën e komunitetit në atë zonë.
