“Ti e ndryshove jetën time përgjithnjë. E ktheve çdo gri në ngjyrë, çdo stuhi në diell. Dashuria ime më e madhe!” – Është ky dedikimi që këngëtarja e njohur Dafina Zeqiri i bën djalit të saj, Daskan, i cili është vetëm 6 muajsh.
Artistja ka ndarë edhe disa foto mjaft të bukura të momenteve të tyre sëbashku apo të vetë vogëlushit, por pa i zbuluar portretin e plotë.
Sytë, qerpikët apo edhe gojën e vockël, në shkrepje të veçanta, duke treguar kështu nga një copëz të një rrugëtimi të ri e kaq emocionues për Dafinën, që duket se po e shijon në maksimum. Madje, njërën nga fotot ka zgjedhur ta vendosë si foto profili në Instagramin e saj.
Daskan erdhi në jetë më 17 korrik të vitit të shkuar, lajm që këngëtarja dhe bashkëshorti i saj, Kreshnik Gjergji, nuk hezituan ta ndanin me publikun.
Ata e kurorëzuan dashurinë e tyre me martesë më 13 shtator të 2024-ës.
