Në mbrëmjen e 4 shkurtit, Partizani ka kremtuar ditëlindjen e tij të 80-të me një ceremoni festive të organizuar nga klubi, ku ishin të pranishëm disa legjenda të futbollit shqiptar dhe personalitete të rëndësishme.
Një nga të ftuarit e nderuar ishte edhe presidenti i Federatës Shqiptare të Futbollit, Armand Duka, i cili gjatë fjalës së tij vlerësoi historinë dhe transformimin e klubit, duke e quajtur atë një nga institucionet më të rëndësishme të futbollit shqiptar.
“Kam nderin të jem pjesë e datëlindjes së një prej klubeve më të mëdhenj në Shqipëri. Partizani në 8 dekada ka kontribute të jashtëzakonshme në futbollin shqiptar… Akademia e Partizanit është një nga më të mirat në Shqipëri, që prodhon talente dhe që e bën akoma më të sigurt të ardhmen e tij në futboll.”
