Chelsea ka vendosur një çmim minimal prej 100 milionë eurosh për Enzo Fernandez mes interesimit të Real Madrid. Klubi e konsideron argjentinasin si xhevahirin e ekipit dhe nuk është i gatshëm të heqë dorë lehtësisht.
Chelsea po përgatitet të luftojë lidhur me të ardhmen e Enzo Fernandez.
Nga Spanja raportojnë se klubi ka përcaktuar një qëndrim të qartë në lidhje me interesimin në rritje të Real Madrid. Sipas Mundo Deportivo, Chelsea ka vendosur një çmim minimal prej 100 milionë euro për lojtarin e kombëtares argjentinase, megjithëse shifra përfundimtare mund të afrohet më shumë te 120 milionë euro, përpara se negociatat të bëhen realiste.
Kjo tregon se sa lart e vlerëson Chelsea Fernandez-in. Mesfushori mbërriti te blutë për 127 milionë euro dhe klubi mbetet i interesuar të mbrojë investimin sportiv ashtu edhe atë financiar.
Me një kontratë afatgjatë në fuqi, klubi londinez nuk ndihet nën presion të menjëhershëm për ta shitur. Nga perspektiva e Chelsea-s, mesfushori mbetet pjesë qendrore në projektin e tyre. Pavarësisht periudhave të paqëndrueshmërisë në të gjithë skuadrën, ai ka qenë një nga lojtarët më të besueshëm, duke ofruar kontroll, saktësi pasimesh dhe rol lideri në mesfushë.
“Blutë” e shohin atë si të pazëvendësueshëm në ekip, rreth të cilit do të ndërtohet e ardhmja, jo si një lojtar për të përfituar financiarisht nga shitja.
Duke pasur parasysh shpenzimin origjinal të bluve, shitja nën kosto do të kishte pak kuptim, përveçse nëse rrethanat ndryshojnë në mënyrë dramatike./ Klantv
