Kreu i Partisë Demokratike, Sali Berisha zbuloi sot se sekretari i përgjithshëm i PD-së, Flamur Noka është vënë nën hetim për makinën Range Rover. Berisha tha se ka pasur kontrolle dhe presion por sipas tij makinën e ka blerë Lulzim Basha.
Berisha tha se punonjësi i kompanisë ka konfirmuar këtë fakt dhe ka dhënë të dhënat përkatëse të automjetit, duke shtuar se personi për të cilin kërkoheshin dokumentet nuk kishte kryer asnjë blerje në atë subjekt.
Berisha e cilësoi këtë rast si një ngjarje reale dhe ngriti dyshime për përdorim të institucioneve për presion politik, duke deklaruar se, sipas tij, situata po paraqitej si një çështje penale ndaj Nokës.
