Rruga e Arbrit vazhdon të përballet me probleme serioze, pas çarjes së tunelit të Murrizit disa ditë më parë.
Tani, situata ka shpërthyer sërish në fshatin Plan i Bardhë të Bashkisë Klos, ku rruga rrezikon të shembet për shkak të çarjes që ka pësuar në anën e poshtme të saj.
Dëmtimi ka një gjatësi prej rreth 100 metrash dhe tashmë ka filluar të ndikojë në asfaltin që ndodhet mbi këtë pjesë.
Toka ka shembur edhe murin mbrojtës, duke bërë që i gjithë trupi i rrugës të jetë në rrezik. Asnjë sinjalistikë nuk është vendosur për t’i paralajmëruar drejtuesit e automjeteve për këtë rrezik të mundshëm.
