Zëdhënësi i Komitetit Olimpik Ndërkombëtar, Mark Adams, ka reaguar në lidhje me protestat e zhvilluara një ditë më parë në Milano, duke theksuar se protestat legjitime janë të lejuara, por dhuna është e papranueshme në Lojërat Olimpike.
Ai theksoi rëndësinë e mbrojtjes së paqes dhe bashkimit global përmes këtyre ngjarjeve.
Po ashtu, Adams sqaroi se nuk kishte prani të agjentëve të ICE në Milano, duke e quajtur situatën të ekzagjeruar.
Drejtori i Komunikacionit të Lojërave Olimpike, Luca Casassa, shtoi se sporti është një hapësirë për dialog të respektueshëm dhe se forcat e rendit po kryenin detyrën e sigurisë në mënyrë profesionale, duke e vlerësuar rolin e tyre në mbrojtjen e rendit gjatë manifestimeve.
