Kryeministrja italiane Giorgia Meloni ka reaguar ashpër pas përleshjeve të dhunshme që shpërthyen në Milano më 7 shkurt, gjatë një demonstrate kundër Lojërave Olimpike Milano-Cortina.
Meloni ka shprehur mbështetje për punën e palodhur të atyre që po kontribuojnë për suksesin e kësaj ngjarjeje të madhe dhe ka dënuar ashpër protestuesit dhunues, të cilët, sipas saj, po dëmtojnë imazhin e vendit dhe përpjekjet e shumicës.
“Ka nga ata që punojnë për të siguruar suksesin e Lojërave Olimpike dhe nga ana tjetër janë armiqtë e Italisë dhe të italianëve, që demonstrojnë kundër Olimpiadës dhe bëjnë që këto pamje të qarkullojnë në televizione në mbarë botën. Disa madje kanë prerë edhe kabllot hekurudhore për të penguar nisjen e trenave,” u shpreh Meloni në rrjetet sociale.
