I ftuar në emisionin “5 Pyetjet”, Poli Hoxha komentoi situatën e masave për Belinda Ballukun dhe ndikimin e tyre në politikën shqiptare dhe procesin e integrimit në BE.
Ai theksoi se parimi bazë i masave është i thjeshtë, dhe foli për tensionet politike që po krijohen rreth vendimit dhe veprimeve të kryeministrit.
“Nuk kishte nevojë për Veliajn me pezullim nga detyra, sepse ai është arrestuar. Parimi bazë është i thjeshtë: kur i pandehuri nuk pranon, masa bëhet më e fortë, por të dyja masat nuk mund të mbahen njëkohësisht. Berisha e mbylli foltoren duke thënë: ‘Hajde nesër në shesh se do flasim për integrimin’. Edi Rama, me deputetët që mbrojnë Ballukun, mori zgjedhjet dhe kishte pashaportën evropiane për integrimin. Berisha thotë se Rama nuk na integron në BE. Ikja e Ballukut do të ketë pasoja: ose do të ikin të dy, ose do të rrini të dy. Nëse Balluku ka marrë masa për të verifikuar, ose mund të themi se Rama di informacionet e SPAK-ut. Kjo histori është në vijë të kuqe, dhe të gjitha shenjat tregojnë se Rama po kalon të gjitha vijat e kuqe, kur SHBA-ja e quan këtë një vijë të kuqe,” tha Poli Hoxha.
