Kreu i Partisë Demokratike, Sali Berisha, gjatë foltores së radhës para Kryeministrisë, theksoi rolin e PD-së në proceset e integrimit të Shqipërisë në Bashkimin Evropian.
Ai përmendi arritjet e mëparshme të partisë, si firmosjen e marrëveshjes së Stabilizim-Asociimit, heqjen e vizave dhe dhënien e statusit të kandidatit për anëtarësim në BE.
“PD është lokomotivë e proceseve të integrimit dhe ia doli të realizojë objektiva madhorë si integrimi i Shqipërisë në BE. Pas çlirimit të Kosovës, ylli ynë polar ka qenë dhe do të mbetet integrimi europian. Por, një bajloz i zi si Rama po mbyll dyert e Evropës për shqiptarët dhe po asgjëson drejtësinë për të mbrojtur paranë e krimit. Nesër, beteja është për hapjen e dyerve të BE-së për Shqipërinë, dhe mesazhi ynë është i qartë: Mos guxo të luash me fatin e shqiptarëve! “
