Massimo Ferro, një sipërmarrës 54-vjeçar nga Italia, ndërroi jetë më 22 dhjetor në Shqipëri, pak ditë pas një ndërhyrjeje për reseksion gastrik të kryer në një klinikë private në kryeqytet.
Corriere shkruan se autopsia e kryer në Itali ka dhënë vetëm elementë të pjesshëm: mungonin stomaku dhe një pjesë e zemrës, të cilat ishin hequr gjatë ekzaminimit në Tiranë.
Trupi, gjithashtu, ishte rindërtuar duke përdorur material leshi, një procedurë që sot konsiderohet e vjetëruar dhe jo në përputhje me standardet e mjekësisë ligjore moderne.
Ndërkohë, Prokuroria e Padovës ka kërkuar zyrtarisht nga autoritetet shqiptare që të dërgohet e gjithë kartela mjekësore.
Për të hedhur dritë mbi ngjarjen, prokurori italian Andrea Girlando ka regjistruar si të dyshuar kirurgun dhe dietologen, të dy nga Lombardia, lidhur me trajtimin klinik të Ferros para udhëtimit.
